One Stop Center Scheme સખી વન સ્ટોપ સેન્ટર યોજના
ગુજરાતમાં કોઈપણ સ્થળે, કોઈપણ હિંસાનો ભોગ બનેલ મહિલાઓ સખી વન સ્ટોપ સેન્ટરમાં ઘણી બધી સેવાઓનો વિનામૂલ્યે મેળવી શકે છે. જે નીચે મુજબ છે.
- હિંસાનો ભોગ બનેલ મહિલાઓને તાત્કાલિક તબીબી સહાય આપવામાં આવે છે.
- મહિલાઓને મફત કાનૂની સહાય અને કાયદાકીય માર્ગદર્શન આપવામાં આવે છે.
- મહિલાઓ પર હિંસાના કિસ્સાઓમાં સખી સેન્ટર દ્વારા પોલીસ સહાય પૂરી પાડવામાં આવે છે
- સેન્ટર પર આવેલી પીડિત મહિલાઓને કાઉન્સેલિંગ કરવામાં આવે છે.
- પીડિત મહિલાને રહેવાની સગવડ ન હોય તો તેવા કિસ્સામાં 5 દિવસ સુધી મફત રહેઠાણ આપવામાં આવે છે. જ્યાં મહિલાને વિનામૂલ્યે જમવાનું પણ આપવામાં આવે છે
- વન સ્ટોપ સેન્ટર યોજનામાં જાહેર સ્થળ, ખાનગી સ્થળ કે કુટુંબ સ્થળ પર કોઈપણ પ્રકારની હિંસાનો ભોગ બનેલ મહિલાઓ આ સેન્ટરનો લાભ લઈ શકે છે. આ સેવાનો લાભ લેવા માટે કોઈપણ જાતના જાતિ,જ્ઞાતિ,ધર્મનો ભેદભાવ રાખવામાં આવતો નથી. મહિલાના વૈવાહિક દરજ્જો, શૈક્ષણિક લાયકાત કે ઉંમરના ભેદભાવ વિના Sakhi One Stop Center Scheme ની સેવાઓનો લાભ લઈ શકે છે. નીચે આપેલી હિંસાનો ભોગ બનેલ મહિલાઓ સખી વન સ્ટોપ સેન્ટર યોજનાનો લાભ લઈ શકે છે.
- ઘરેલું હિંસા
- શારીરિક હિંસા
- જાતિય હિંસા
- માનસિક હિંસા
- એસિડ એટેક
- મહિલાઓના અનૈતિક વ્યાપાર
- અન્ય કોઈપણ પ્રકારની હિંસાનો ભોગ બનેલ
ભારતના સરકારના મહિલા અને બાળ વિકાસ મંત્રાલય (Ministry of Women & Child Development Department (WCD) દ્વારા દેશના દરેક રાજ્યમાં વન સ્ટોપ સેન્ટર-સખી યોજના કાર્યરત કરવાનું આયોજન કરવામાં આવ્યું છે. One Stop Centre (OSC) દ્વારા પીડિત-શોષિત મહિલાઓના સર્વાંગી ઉત્કર્ષ કરવાનું છે.
One Stop Center Guidelines મુજબ સેન્ટર પીડિત મહિલાને ઘરમાં, સમાજમાં અથવા કાર્યના સ્થળે થતી હિંસા સામે તમામ પ્રકારની મદદ પૂરી પાડવામાં આવે છે. આ સેન્ટર દ્વારા તબીબી સેવા , મનોવૈજ્ઞાનિક પરામર્શ, કાનુની માર્ગદર્શન, પોલીસ સેવા, આશ્રય અને સંસ્થાકીય મદદ પૂરી પાડશે. મહિલાઓ અને કિશોરીઓ સમાજમાં શારીરિક, જાતિય, ભાવનાત્મક, મનોવૈજ્ઞાનિક અને આર્થિક પ્રકારની હિંસાનો ભોગ બને છે. જેના લીધે એસીડ એટેક, ડાકણ પ્રથા, સ્ત્રી ભૂણહત્યા, ઘરેલું હિંસા, કાર્યના સ્થળે થતી હિંસા વગેરે સમાજમાં જોવા મળે છે. તમામ પ્રકારની મદદ એક જ સ્થળેથી પૂરી પાડવામાં આવશે.
વન સ્ટોપ સેન્ટર દ્વારા કોઈપણ મહિલાને કોઈપણ સ્થળ પર જવા-આવવા માટે વાહનની સુવિધા પણ પૂરી પાડવામાં આવે છે. આ ઉપરાંત હિંસાથી અસરગ્રસ્ત મહિલાના તાત્કાલિક બચાવ અને તેને સુરક્ષિત સ્થાન પર પહોંચાડવા માટે 181 મહિલા અભયમ હેલ્પલાઈનની વાનની પણ મદદ લેવામાં આવે છે.
જુવેનાઈલ જસ્ટિસ (બાળકોની સંભાળ અને રક્ષણ) અધિનિયમ-2000 અને બાળકોના જાતિય શોષણ સામે રક્ષણ આપતો અધિનિયમ-2012 અંતર્ગત કાર્યવાહી કરેલ હોય તેવી બાળકી/કિશોરીઓને પણ આ કેન્દ્ર ખાતેથી મદદ આપવામાં આવે છે.
- કોઈપણ હિંસાનો ભોગ બનેલી મહિલા માટે ‘સખી’ વન સ્ટોપ સેન્ટરની તમામ સેવા નિઃશુલ્ક છે.
- સખી સેન્ટર પર આવેલી પીડિત મહિલા સાથે સહાનુભૂતિપૂર્વક વર્તન
- કાયદાની મર્યાદાઓ પ્રમાણે મહિલાને પોતે નિર્ણય લેવા સમક્ષ કરવી.
- સમસ્યાના ઉકેલ માટેના વિકલ્પો જણાવવા, જેમાંથી પોતે પસંદ કરે તે વિકલ્પ અનુસરવો.
- પીડિત મહિલાઓને ભયમુક્ત કરવી અને આત્મ સન્માન જાળવવામાં મદદ કરવી.
રાજ્યમાં કોઈપણ જગ્યાએ મહિલા પર ઘરેલું હિંસા બની રહી હોય અથવા એવો ભય હોય તો તે સમયે181 અભયમ મહિલા હેલ્પ લાઇન પર ફોન કરી તાત્કાલિક મદદ મેળવી શકે છે. હિંસાથી પીડિત મહિલાને રહેવા માટે સુરક્ષિત જગ્યા ન હોવાના કિસ્સામાં ‘સખી-વન સ્ટોપ સેન્ટર” પર આશ્રય માટે મોકલી પણ આપવામાં આવે છે.
- સખી વન સ્ટોપ સેન્ટર એટલે શું?
- કોઈપણ હિંસાથી પીડિત મહિલાઓની તમામ સમસ્યાઓના સમાધાન માટે એકમાત્ર સેન્ટર એટલે “One Stop Center”.
- સખી વન સ્ટોપ સેન્ટરનો લાભ કોણ લઈ શકે છે?
- મહિલાઓ જાહેર, ખાનગી કે કુટુંબ સ્થળ પર કોઈપણ હિંસાનો ભોગ બનેલા મહિલાઓ આ સેન્ટરનો સંપર્ક કરી શકે છે. મહિલાઓ ઉપર થયેલ ઘરેલુ હિંસા, શારીરિક હિંસા, જાતીય હિંસા, માનસિક હિંસા કે અન્ય કોઇપણ પ્રકારની હિંસાનો ભોગ બનેલ પિડીત મહિલા સેન્ટરનો લાભ લઈ શકે છે?
- One Stop Center માં કઈ-કઈ સુવિધાઓ આપવામાં આવે છે?
- આ સેન્ટર પર પીડિત મહિલાઓને કાયદાકીય સહાય, પોલીસ સહાય, ઇમરજન્સી સેવાઓ, તબીબી સહાય આપવામાં આવે છે. તથા મહિલાઓને ટૂંકા ગાળાનો વિનામૂલ્યે આશ્રય આપીને કાઉન્સેલિંગ કરવામાં આવે છે.
- સખી વન સ્ટોપ સેન્ટર ક્યાં આવેલું હોય છે?
- આ સેન્ટર ગુજરાત રાજ્યના દરેક જિલ્લાના મુખ્યમથકે, સિવિલ હોસ્પિટલની નજીક આવેલું હોય છે.
- OSC સુધી કેવી રીતે પહોંચી શકાય છે?
- કોઈપણ હિંસાનો ભોગ બન્યા હોય, ત્યારે ગુજરાત સરકારની 181 Women Helpline પર કોલ કરી શકે છે. 181 મહિલા હેલ્પલાઇન “સખી વન સ્ટોપ સેન્ટર” સુધી પહોંચાડવામાં મદદ કરશે. તથા મહિલાને મારઝૂડ કરીને ઘરેથી કાઢી મૂકવામાં આવે ત્યારે આ સેન્ટરમાં વિનામૂલ્યે આશ્રય મેળવી શકે છે.
અમારા દ્રારા અનેક સ્ત્રોત દ્રારા માહિતી એકત્રિત કરી લખવામાં આવે છે,તેથી હમેશા માહિતી ને સતાવાર વેબસાઈટ અથવા અધીકુત વિભાગથી પુષ્ઠી કરવી.કોઈ પણ માહિતી માટે કોઈ પણ જવાબદારી અમારી વેબસાઈટ લેતી નથી.
NOTE – All the advertisements and vacancies placed on our website are advertised through the official website and we deliver them to you, so whenever you go to apply, you are kindly requested to visit the official website